PJ & தவ்ஹீத் அஸ்மா வஸ்ஸிஃபாத்

 அளவற்ற அருளாளன், நிகரற்ற அன்புடையோனுமாகிய அல்லாஹ்வின் பெயரால்

அல்லாஹ்வை ஒருமைப்படுத்துவது (தவ்ஹீத்)  மூன்று விடயங்களை உள்ளடக்கியிருக்கின்றது.

1. அவனை வணங்குவதில் அவனை ஒருமைப்படுத்தல் (தவ்ஹீதுர் ருபூபிய்யா)

2. அவனுடைய செயல்களில் அவனை ஒருமைப்படுத்தல்(தவ்ஹீதுல் உலூஹிய்யா)

3. அவனுடைய பெயர்களிலும் பண்புகளிலும் ஒருமைப்படுத்தல் (தவ்ஹீதுல் அஸ்மா வஸ்ஸிஃபாத்)

அல்லாஹ்வின் பெயர்களிலும் பண்புகளிலும் விடயத்தில் இஸ்லாத்தின் பெயரில் உள்ள அதிகமான பிரிவுகள்  வழிகெட்டுள்ளார்கள். ஆகவே, முன் சென்ற இமாம்கள் இப்பிரிவுகளுக்கெதிராக மறுப்பளிக்கும் வகையில் பல நூட்களைத்  தொகுத்துள்ளார்கள். மேலும், அந்த நூட்களில் அஹ்லுஸ்ஸுன்னா வல்ஜமாஅத்தினரின் அல்லாஹ்வின் பெயர்கள் மற்றும் பண்புகள் குறித்த கொள்கைகளைத் தெளிவுபடுத்தியுமுள்ளார்கள்.

அல்லாஹ்வின் பண்புகளை பொருள் மாற்றாமலும், மறுக்காமலும், உதாரணம் கூறாமலும், இப்படிதான் இருக்கும் என்று  சொல்லாமலும், படைப்பினங்களோடு ஒப்பிடாமலும் மற்றும் சுயவிளக்கம் அளிக்காமலும் நேரடியான பொருளில் நம்ப  வேண்டும். முன்சென்ற நல்லோர்களான ஸஹாபாக்கள் தாபியீன்கள் இப்படிதான் நம்பினார்கள்.

“அவனைப் போன்று எப்பொருளும் இல்லை. அவனே (யாவற்றையும்) செவியேற் கிறவன், பார்க்கிறவன்” (அல்குர்ஆன் 42:11)

ஜஹமிய்யாக்கள், அஷாயிராக்கள் போன்ற வழிதவறியவர்கள் தான் அல்லாஹ்வின் பண்புகளை மறுத்தும், மாற்று பொருள்  கொடுத்தும் நம்பினார்கள்.

நபி அவர்களிடமிருந்து நேரடியாக மார்க்கத்தை பெற்ற ஸஹாபாக்கள் அல்லாஹ்வின் பெயர்களிலும் பண்புகளிலும் நேரடியான  பொருளில் தான் விளங்கினார்கள். எனவே நாமும் அவ்வாறே விளங்குவோம்.

அல்லாஹ்வுக்கு இருக்கக்கூடிய பண்புகள் (الصفات التبوثية) இரண்டு வகைப்படும்.

அ) அவனுடன் எப்போதும் இருந்து கொண்டிருக்கக்கூடிய பண்புகள் (உதாரணம்: கேள்வி, பார்வை) இதற்கு அரபியில் (الذاتية)  ‘தாதிய்யா’ என்று சொல்லப்படும்.

ஆ) அவன் நாடினால் செய்யவும், நாடினால் செய்யாமல் இருக்கவும் முடியுமான அவனுடைய செயல்களோடு தொடர்பான  பண்புகள் (உதாரணம்: அல்லாஹ் வருவான், இறங்குகிறான்) இதற்கு அரபியில் (الفعلية) ‘fபிஃலிய்யா’ என்று சொல்லப்படும்.
சிலவேளைகளில் ஒரே ‘ஸிஃபத்’ ‘பிஃலிய்யா’வாகவும் ‘தாதிய்யா’வாகவும் இருக்கும். உதாரணம்: (கலாம்) பேசுதல்.
மேலும் வாசிக்க : http://www.manhaj.in/index.php/articles/6-2013-11-12-09-41-09 

அல்லாஹ்வின் பெயர்கள், பண்புகள் விடயத்தில் வழிகெட்ட பிரிவினர்கள் அவர்களின் கொள்கை:

1. கராமிதா மற்றும் தத்துவவியலாளர்கள்: அல்லாஹ் என்ற ஒருவன் இல்லை, அவனுக்குப்பெயரும், பண்பும் இல்லை என்பது இவர்களின் கொள்கையாகும்.

2. ஜஹ்மிய்யாக்கள்: அல்லாஹ் உண்டு. ஆனால் அவனுக்குப் பெயரோ பண்போ இல்லை என்பது இவர்களின் கொள்கையாகும்.

3. முஃதஸிலாக்கள்: அல்லாஹ்வுக்குப் பெயர்கள் மாத்திரமே உள்ளன. பண்புகள் அவனுக்கு இல்லை என்பது இவர்களின் கொள்ளையாகும்.

4. அஷ்அரிய்யாக்கள்: அல்லாஹ்வின் பண்புகளில் ஏழு பண்புகளை மாத்திரம் உறுதிப்படுத்துகின்றனர். உயிரோடுள்ளவன், நாடுபவன், சக்தியுள்ளவன், அறிவுள்ளவன், செவிமடுக்கக்கூடியவன், பார்க்கக்கூடியவன், பேசக்கூடியவன் ஆகிய பெயர்களே இவர்கள் அல்லாஹ்வுக்கு உறுதிப்படுத்தும் பெயர்களாகும்.

5. மாத்துரூதீய்யாக்கள்: இவர்களும் அஷ்அரிய்யாக்களைப்போல் ஏழு பண்புகளோடு ஒரு பண்பை மாத்திரம் அதிகப்படுத்தினர். அது உருவாக்குதல் என்ற பண்பாகும்.

6. முமஸ்ஸிலாக்கள்: அல்லாஹ்வின் பெயர்கள் மற்றும் பண்புகளில் வரம்புமீறியவர்களே இவர்கள். ஏனென்றால், அல்லாஹ்வின் பண்புகளை படைப்பினங்களின் பண்புகளுக்கு ஒப்பாக்கினார்கள்.

7. முபவ்விதாக்கள்: அல்லாஹ்வின் பண்புகளை அறிவிக்கக்கூடிய பெயர்களை இவர்கள் உறுதிப்படுத்தினர். அதன் கருத்து அல்லாஹ்வுக்கு மாத்திரமே தெரியும் என இவர்கள் கூறினார்கள்.

ஒருவருடய கொள்கை (அகீதா) அவர் எழுதும் , படிக்கும்  குர்ஆன் மொழிபெயர்ப்பு மற்றும் விளக்கத்திலிருந்து தெரிந்து கொள்ளலாம்.

சில உதாரணங்கள்:

1.) அல்லாஹ்வின் கண்:
PJ மொழிபெயர்ப்பு:
நமது கண்காணிப்பிலும் நமது கட்டளைப்படியும் கப்பலைச் செய்வீராக!  [11:37]
எனது கண்காணிப்பில் நீர் வளர்க்கப்படுவதற்காக உம்மீது என் அன்பையும் செலுத்தினேன்.  [20:39]
அது நமது கண்காணிப்பில் ஓடியது. இது (தன் சமுதாயத்தால்) மறுக்கப்பட்டவருக்கு (நூஹுக்கு) உரிய கூலி. [54:14] 

<<<< சரியான மொழிபெயர்ப்பு:
மேலும், "நம்முடைய கண்கள் முன்பாகவே, நம்முடைய அறிவிப்பின்படி, ஒரு கப்பலை நீர் செய்யும்;" [11:37]
நீங்கள் என் கண் பார்வையில் வளர்க்கப்படுவதற்காக உங்கள் மீது என் அன்பை பொழிந்தேன் [20:39]
அது நம் கண்களுக்கு முன்பாகவே (பெரு வெள்ளத்தில் மிதந்து) சென்றது [54:14]
>>>>

2.) அல்லாஹ்வின் முகம்:
PJ மொழிபெயர்ப்பு:
உறவினருக்கும்,  ஏழைக்கும், நாடோடிக்கும் அவர்களின் உரிமையை வழங்குவீராக! அல்லாஹ்வின் முகத்தை நாடுவோருக்கு இதுவே சிறந்தது. அவர்களே வெற்றி பெற்றோர். (அல்குர்ஆன் 30:38)
இந்த வசனத்தில் அல்லாஹ்வின் முகத்தை நாடி தர்மம் வழங்க வேண்டும் என்று கூறப்பட்டுள்ளது. இந்த இடத்தில் அல்லாஹ்வின் முகம் என்பதற்கு நேரடிப் பொருள் கொடுக்க முடியாது. எனவே, அல்லாஹ்வின் திருப்தியை நாடி என்று பொருள் கொள்ள வேண்டும்.
<<<<சரியான மொழிபெயர்ப்பு:
அல்லாஹ்வின் முகத்தை மறுமையில் காண நாடுவோருக்கு என்பது இது பொருளாகும். -  தப்ஸீர் இப்ன் கதீர்
மறுமையில் அல்லாஹ்வை காண்பது - இது தான் ஒவ்வொரு முமினின் தலையான குறிக்கோள்.
ஜரீர் பின் அப்தில்லாஹ் (ரலி) அவர்கள் கூறியதாவது, அல்லாஹ்வின் தூதர் (ஸல்) அவர்கள் ஒரு பௌர்ணமி இரவில் எங்களிடம் புறப்பட்டு வந்து, "நீங்கள் இந்த முழு நிலாவை நெருக்கடியின்றி காண்பதைப் போன்றே உங்கள் இறைவனை மறுமை நாளில் காண்பீர்கள்" என்று சொன்னார்கள். [ஸஹீஹுல் புகாரி:7436]
>>>>
3. அல்லாஹ் அமர்ந்தான் என மொழிபெயர்ப்பு:
PJ மொழிபெயர்ப்பு:
உங்கள் இறைவனாகிய அல்லாஹ்வே வானங்களையும், பூமியையும் ஆறு நாட்களில் படைத்தான்.179 பின்னர் அர்ஷின்  மீது  அமர்ந்தான். (அல்குர்ஆன் 7:54)
இந்த வசனங்களிலும் 10:03, 13:02, 25:59, 32:04, 57:04 ஆகிய வசனங்களிலும் அல்லாஹ் அர்ஷின் மீது அமர்ந்திருக்கின்றான் என்று  ஆணித் தரமாக அடித்துச் சொல்கின்றன.

<<<< சரியான மொழிபெயர்ப்பு:
அல்லாஹ் (தன் கண்ணியத்திற்குத் தக்கவாறும், மகத்துவத்திற்க்குரியவாறும் அர்ஷின்மீது இருப்பது அவனுக்கு எவ்வாறு  தகுமோ, அவ்வாறே) அவன் அர்ஷின்மீது உயர்ந்து (நிலைபெற்று) விட்டான் (7:54)
இதில் இஸ்தவா உயருதல் என்ற சொல்லுக்கான பொருள் என்ன? என்று இமாம் மாலிக் (ரஹி) அவர்களிடம் ஒருவர் கேட்டார். அதற்க்கு இமாம் மாலிக் (ரஹி) பின்வருமாறு விடை பகர்ந்தார்கள்:
“இஸ்தவா" வுக்கான பொருள் எல்லோரும் அறிந்ததுதான். ஆனால் அதன் விதம் அறியப்படவில்லை. அதுபற்றி ஈமான் கொள்வது கடமை. அதைபற்றி விசாரிப்பது பித் அத் ஆகும்.”
>>>>

4.) அல்லாஹ் வானத்தில் இறங்கி வருகிறான்:
PJ மொழிபெயர்ப்பு: 
“அல்லாஹ் வானத்தில் இறங்கி வருகிறான் ஆனால் அது அருள் தான்.” http://www.onlinepj.com/kolkai-vilakkam/allah_uruvamatravana/

<<<< சரியான மொழிபெயர்ப்பு:
அல்லாஹ்வின் தூதர் அவர்கள் கூறினார்கள், இரவின் மூன்றாவது பகுதி மீதம் இருக்கும் போது அல்லாஹ் முதல் வானத்தை நோக்கி இறங்குகிறான். பிறகு வானத்தின் வாயில்கள் திறக்கப்படுகின்றன. பிறகு அல்லாஹ் தனது கையை விரித்தவாறு கூறுவான், எவரேனும் (தனது தேவையை) கேட்பவர் உண்டா? அவரது கேள்விக்கு பதிலளிக்கப்படும். ஃபஜ்ர் நேரம் உதயமாகும் வரை இவ்வாறு தொடர்ந்து கூறிக் கொண்டிருக்கிறான். பிறகு ஃபஜ்ர் நேரம் வந்த பிறகு மேலே உயர்கிறான்.. [முஸ்னத் அபி அவானா, புகாரி:1145,முஸ்லிம்:1387]
மேலும் வாசிக்க: http://www.islamkalvi.com/portal/?p=20013
http://islamqa.info/en/12290
>>>>

5. அல்லாஹ் மேகத்தில் வருவான் :
PJ மொழிபெயர்ப்பு:
உதாரணமாக 2:210, 13:41, 16:26 ஆகிய வசனங்களில் தீயவர்களை அழிக்க இறைவன் வருவான் என்று குறிப்பிடப்பட்டுள்ளது.  இவ்வசனங்களுக்கு அல்லாஹ் நேரடியாக வருவான் என்று பொருள் கொள்ளாமல் அவனது கட்டளை வரும் என்று பொருள் கொள்ள வேண்டும்.

<<<< சரியான மொழிபெயர்ப்பு:
இது மற்றொறு  ஆயத் ,25:25 போன்றது: இன்னும், வானம் மேகத்தால் பிளந்து, மலக்குகள் உறுதியாகவே இறக்கிவைக்கபடும் நாளை_(அவர்களுக்கு எச்சரிக்கை  செய்வீராக). [25:25]
இந்த இடத்தில் இப்ன் ஜரீர் (ரஹ்) அவர்கள்(தமது விரிவுரையில்) எக்காளம் (ஸூர்) ஊதப்படுவது தொடர்பான ஒரு நீண்ட ஹதீஸை அரம்பம் முதல் (இறுதிவரை முழுமையாக) இடம்பெறச் செய்துள்ளார்கள். அது அல்லாஹ்வின் தூதர்(ஸல்)  
அவர்களிடமிருந்து அபூஹுரைரா(ரலி) அவர்கள் அறிவித்ததாகும். பிரபலமான இந்த ஹதீஸை முஸ்னத் வகை நபிமொழி தொகுப்பாசிரியர்கள் உள்ளிட்ட பலரும் குறிப்பிட்டுள்ளனர். அதில் வந்துள்ளதாவது: மக்கள் அனைவரும் மறுமையின் பெரும்வெளிகளில் கவலையோடு நின்றுகொண்டிருக்கும்போது, ஆதி மனிதர் ஆதம்(அலை)  அவர்கள் முதல் அவர்களுக்குப் பின் வந்த ஒவ்வொரு நபியிடமும் இறைவனிடம் பரிந்துரை செய்யுமாறு கோருவார்கள். எல்லா  நபிமார்களும் அதிலிருந்து விலகிவிடுவார்கள். இறுதியில் மக்கள் முஹம்மத்(ஸல்) அவர்களிடம் வருவார்கள். அப்போது நபி(ஸல்) அவர்கள், அதற்குரியவன் நானே; அதற்குரியவன் நானே" என்று கூறிவிட்டு, உடனே சென்று  (அல்லாஹ்வின் அரியாசனம்) அர்ஷுக்குக் கீழே அல்லாஹ்வுக்கு சிரம்பணிவார்கள். பின்னர், அடியார்களுக்கிடையே நியாயத் தீர்ப்பு வழங்க வருமாறு அல்லாஹ்விடம் மன்றாடுவார்கள். அவர்களது மன்றாட்டத்தை ஏற்றுக்கொள்ளும் அல்லாஹ், மேக  நிழல்கள் வழியாக (அடியார்களிடம்) வருவான். அதற்கு முன்னர் முதலாவது வானம் பிளந்து அதிலுள்ள வானவர்கள் இறங்குவார்கள். பின்பு இரண்டாவது வானம், பின்பு மூண்றாவது வானம், இப்படியே ஏழாவது வானம்வரை அனைத்து வானங்களும் பிளந்து அவற்றிலுள்ள வானவர்கள் இறங்குவார்கள். பின்னர் அர்ஷைச் சுமக்கும் வானவர்களும், அவர்களுக்கு நெருக்கமான (ஜிப்ரீல், மீகாயில், இஸ்ராஃபீல் (அலை) உள்ளிட்ட) தலைமை வானவர்களும் இறங்குவார்கள். பின்னர், வலிவும் மாண்புமிக்க அடக்கியாளும் அல்லாஹ்வும்,  வானவர்களும் மேக நிழல்கள் வழியாக வருவார்கள். அப்பொது (அல்லாஹ்வைப் புகழ்த்து) அந்த வானவர்கள் கூறும் தஸ்பீஹ் ரீங்காரித்துகொண்டே இருக்கும். அவர்கள், 
“சுபஹான தில் முல்கி வல்மலக்கூத்; சுப்ஹான தில் இஸ்ஸத்தி வல்ஜபரூத்; சுபஹானல் ஹய்யில்லதீ லா யமூத்; சுபஹானல்லதீ யுமீத்துல் கலாயிக வ லா யமூத்; சுப்பூஹுன் குத்தூசுன் ரப்புனல் அஃலா; சுப்ஹான திஸ்ஸுல்தானி வல அழமா;  சுப்ஹானஹு; அபதன் அபதா” என்று கூறுவார்கள்.
பொருள்: ஆட்சியும் அதிகாரமும் உடைய (இறை)வன்; வலிமையும் சர்வாதிகாரமும் உடைய (இறை)வன் தூயவன்; மரணிக்காமல் (என்றென்றும்) உயிரோடு இருப்பவன் தூயவன்; மரணிக்கச் செய்துவிட்டுத் தான் (மட்டும்) மரணிக்காமல் இருப்பவன் தூயவன்; (அவன்) மிகவும் தூயவன்; மிகவும் பரிசுத்தமானவன்; மிக்க மேலான எங்கள் இறைவன் தூயவன்;  அதிகாரமும் மகத்துவமும் உடைய(இறை)வன் தூயவன்; அவன் தூயவன்; அவன் தூயவன்; என்றும் என்றென்றும்.) 

தஃப்ஸிர் இப்ன் கஸீரில் இமாம் புகாரி(ரஹ்) அவர்களின் ஆசிரியர் நுஐம் பின் ஹம்மாத் அல்குஸா(ரஹ்) கூறுவதாக கூறுவதாவது 
“ யார் அல்லாஹ்வை, அவனுடய படைப்பினங்களில் ஒன்றுடன் ஒப்பிடுகின்றாரோ, அவர் இறைமறுப்பாளராகிவிடுவார்”. 
அல்லாஹ் தனெக்கென குறிப்பிட்டுள்ள பண்புகளில் ஒன்றை மறுப்பவரும் இறைமறுப்பாளராகிவிடுவார். அல்லாஹ்வோ அவனுடைய தூதரோ அல்லாஹ்வுக்கென குறிப்பிடபட்டுள்ள பண்புகளில் படைப்புகளுக்கு ஒப்பானது எதுவும் கிடையாது. எனவே, அல்லாஹ்வின் கண்ணியத்திற்கு ஏற்றவாறு தெளிவான இறைவசனங்களும், ஆதாரப்பூர்வமான நபிமொழிகளும், அல்லாஹ்வின் பண்புகளென கூறியவற்றை ஒப்புக்கொண்டு, குறைகளைவிட்டு அல்லாஹ் நீங்கியவன் என்று யார்  கூறுகிறாறோ, அவர்தான் நல்வழி நடந்தவர் ஆவார்.

அல்லாஹ் நம்மை நேர்வழியில் செலுத்துவானாக! ஆமீன் ஆமின் யாரப்பால் ஆலமீன்.

Mistakes in PJ Quran

பி.ஜே. தமிழ் குர்ஆனில் உள்ள பொழிபெயர்ப்பு தவறுகள்
http://onlinepj.com/trindex.html

தாவூத் நபி செய்த தவறு

1. சுலைமான் நபியை சடலமாக சிம்மாசனத்டில் போடுதல்
2. சொர்க்கம், நரகம் உருவாக்கப்படும், அவை வானத்தில் இல்லை
3. முதஷாபிஹாத் ஆயத்துகளுக்கு கல்வியில் தேர்ந்தவர்கள் பொருள் காண முடியும்
4. பொருள் செய்ய முடியாத எழுத்துக்கள்!
5. சூனியத்தை மறுத்தல் , ஹதீஸ் நிறாகரிப்பு

1.) தாவூத் நபி செய்த தவறு
38:24. ''உமது ஆட்டைத் தனது ஆட்டுடன் சேர்க்க அவர் கேட்டதன் மூலம் உமக்கு அநீதி இழைத்து விட்டார். உங்களில் கூட்டுச் சேர்வோரில் அதிகமானோர் ஒருவர் மற்றவர் மீது அநீதி இழைக்கின்றனர். நம்பிக்கை கொண்டு நல்லறங்கள் செய்வோரைத் தவிர. அவர்கள் மிகவும் குறைவு தான்'' என்று தாவூத் கூறினார். அவரைச் சோதித்தோம் என்பதை தாவூத் விளங்கிக் கொண்டார். தமது இறைவனிடம் மன்னிப்புக் கேட்டார். பணிந்து விழுந்தார். திருந்தினார்.337
337. தாவூத் நபி செய்த தவறு

தாவூத் நபியவர்கள் மன்னராக இருந்ததால், அரண்மனையை விரிவுபடுத்துவதற்காக சாதாரண மக்களின் நிலத்தைக் கையகப்படுத்தியது போன்ற ஒரு தவறைச் செய்திருக்கக் கூடும். இது போன்ற ஒரு நிகழ்ச்சியை நடத்திக் காட்டி இறைவன் அவரை திருத்தியிருக்கக் கூடும்.

Ref: http://onlinepj.com/vilakkam/vilakkam7.htm

2.) சுலைமான் நபியை சடலமாக சிம்மாசனத்டில் போடுதல்

38:34. ஸுலைமானை நாம் சோதித்தோம். அவரது சிம்மாசனத்தில் (அவரை) ஒரு சடலமாகப் போட்டோம். பின்னர் அவர் திருந்தினார்

338. இவ்வசனத்திற்கு (திருக்குர்ஆன் 38:34) பெரும்பாலான மொழிபெயர்ப்பாளர்கள் தவறாகவே மொழிபெயர்த்துள்ளனர்.

ஸுலைமானின் சிம்மாசனத்தின் மீது முண்டத்தைப் போட்டோம்; சடலத்தைப் போட்டோம் என்று தங்கள் மொழிபெயர்ப்பில் குறிப்பிட்டுள்ளனர்.

இதற்கேற்ப கட்டுக்கதைகளையும் விளக்கவுரை என்று குறிப்பிட்டுள்ளனர்.

இவ்வசனத்தில் ''ஸுலைமானை ஒரு சடலமாகப் போட்டோம்'' என்று கூறப்படுகிறது. இது, நோயுற்று பலவீனப்பட்டு படுக்கையில் விழுந்து கிடக்கும் நிலையைக் குறிக்கும் சொல்லாகும்.ஸுலைமான் நபி ஒரு தவறு செய்ததாகவும் அத்தவறிலிருந்து பின்னர் திருந்திக் கொண்டதாகவும் இவ்வசனமும் இதற்கு அடுத்த வசனமும் கூறுகிறது.சோதிக்கும் முகமாக ஸுலைமான் நபிக்கு நோயை ஏற்படுத்தினோம் என்பது தான் அவரைச் சடலமாகப் போட்டோம் என்பதன் கருத்து.நடைப்பினமாக இருக்கிறான் என்று தமிழில் நாம் கூறுவது போன்ற வார்த்தைப் பிரயோகமே இந்தச் சொல்.

இவ்வாறு நோயுற்று செயல்பட முடியாத நிலையை அடைந்தவுடன் அவர் திருந்தினார். இறைவனிடம் மன்னிப்புக் கேட்டார் என்பது இதன் கருத்து.

Ref: http://onlinepj.com/vilakkam/vilakkam7.htm No:338

Correct Meaning:-

[038:034] And indeed, We did try Sulaimân (Solomon) and We placed on his throne Jasad (a devil, so he lost his kingdom for a while) and he did return (to Allâh with obedience and in repentance, and to his throne and kingdom by the Grace of Allâh).

---- Interpretation of the Meaning of The Noble Qur'aan in the English Language By Dr. Muhammad Taqiuddeen al-Hilaalee, Ph.D. and Dr. Muhammad Muhsin Khan, Published by DARUSSALAM ©,Riyadh,Saudi Arabia

3. சொர்க்கம், நரகம் உருவாக்கப்படும், அவை வானத்தில் இல்லை

7: 40. நமது வசனங்களைப் பொய்யெனக் கருதி, அதைப் புறக்கணிப்போருக்கு வானத்தின் வாசல்கள் திறக்கப்பட மாட்டாது.177 ஊசித் துவாரத்தில் ஒட்டகம் நுழையும் வரை அவர்கள் சொர்க்கத்தில் நுழைய மாட்டார்கள். இவ்வாறே குற்றவாளிகளைத் தண்டிப்போம்
11:108. நற்பாக்கிய சாலிகளோ சவனபதியில் இருப்பார்கள்; உம் இறைவன் நாடினாலன்றி, வானங்களும் பூமியும் நிலைத்திருக்கும் காலமெல்லாம் அவர்கள் அ(ச்சவனத்)திலேயே நிலைபெற்று விடுவார்கள் - இது முடிவுறாத அருட் கொடையாகும்.

177. வானத்தில் வாசல்கள் திறக்கப்பட மாட்டாது

இவ்வசனத்தில் (7:40) வானத்தின் வாசல்கள் திறக்கப்பட மாட்டாது என்று கூறப்பட்டுள்ளது. இதற்குப் பல விதமான விளக்கங்கள் கூறப்பட்டுள்ளன. வானத்தில் தான் சொர்க்கம் உள்ளது. எனவே அங்கே போக மாட்டார்கள் என்று சில அறிஞர்கள் கூறுகின்றனர். அவர்களின் விளக்கம் நிராகரிக்கத் தக்கது.ஏனெனில் சொர்க்கம் மட்டுமின்றி நரகமும் சொர்க்கத்தின் அருகில் தான் உள்ளது. இரண்டுக்கும் இடையே ஒரு தடுப்புச் சுவர் தான் இருக்கும். இதனாலேயே தடுப்புச் சுவர் என்ற பெயர் இந்த அத்தியாயத்துக்கு வந்தது. இவர்கள் வாதப்படி சொர்க்கத்துக்கு மட்டுமின்றி நரகத்திற்கும் செல்ல மாட்டார்கள் என்ற கருத்து வந்து விடும்.இறை வசனங்களை மறுத்துப் பெருமையடித்தவர்கள் இவ்வுலகில் வாழும் போது செய்யும் பிரார்த்தனைகள் வானத்தை அடையாது; இவ்வுலகிலும் நஷ்டமடைவார்கள்; மறுமையில் நரகத்தையும் அடைவார்கள்; என்பது தான் இதன் கருத்தாக இருக்க முடியும்.

225. வானங்களும், பூமியும் நிலையாக இருக்கும் காலமெல்லாம்

சொர்க்கம், நரகம் உருவாக்கப்படும் போது இந்தப் பூமி வேறு பூமியாகவும், வானங்கள் வேறு வானங்களாகவும் மாற்றப்படும். எனவே இங்கே (திருக்குர்ஆன் 11:107,108) கூறப்படுவது மாற்றப்பட்ட அந்த வானம் பூமியைத் தான். அவை என்றென்றும் நிலையாக இருப்பது போல் அவர்களும் நிலையாக இருப்பார்கள் என்பது இதன் கருத்தாகும்.

12. சொர்க்கம்

திருக்குர்ஆன் 2:35, 7:19, 7:22, 7:27, 20:121 ஆகிய வசனங்களில் ''ஆதம் நபி, சொர்க்கத்திலிருந்து வெளியேற்றப்பட்டார்'' என்று கூறப்பட்டுள்ளது. இதற்கு இரு வேறு கருத்துக்கள் கொள்ளப்பட்டுள்ளன. 'சொர்க்கம்' என்று தமிழ்ப்படுத்திய இடத்தில் 'ஜன்னத்' என்ற சொல் இடம் பெற்றுள்ளது.
* மறுமையில் நல்லோர்க்கு இறைவன் வழங்கவுள்ள சொர்க்கச் சோலையும் 'ஜன்னத்' எனக் கூறப்படுகிறது.
* இவ்வுலகில் அமைந்துள்ள தோட்டங்களும் 'ஜன்னத்' எனக் கூறப்படுகிறது.

திருக்குர்ஆனில் இரண்டு கருத்துக்களிலும் இந்தச் சொல பயன்படுத்தப்பட்டுள்ளது. ஆதம் (அலை) நபி சொர்க்கத்தில் தங்க வைக்கப்பட்டு இறைக் கட்டளையை மீறியதால் வெளியேற்றப்பட்டார் என்று பலர் கூறுகின்றனர்.
ஆதம் (அலை) பூமியில் படைக்கப்பட்டதாகத் திருக்குர்ஆன் (2:30) கூறுவதாலும், சொர்க்கத்தில் ஷைத்தான் நுழைந்து வழி கெடுக்க முடியாது என்பதாலும், பூமியில் ஆதமுக்காக அமைக்கப்பட்ட சோலையில் தான் தங்க வைக்கப்பட்டார்; அங்கிருந்து தான் வெளியேற்றப்பட்டார் என்று சிலர் கூறுகின்றனர். இரண்டில் எதை ஏற்றாலும் இஸ்லாத்தின் அடிப்படைக்கோ, இந்நிகழ்ச்சியிலிருந்து பெற வேண்டிய பாடத்துக்கோ எந்தப் பாதிப்பும் ஏற்படாது.

முன்னுக்கு பின் முறண்பாடு:-

Pj quran: 330. தியாகிகளுக்கு உடனே சொர்க்கம்

ஒரு நல்ல மனிதர் இறைத் தூதர்களுக்காகப் பரிந்து பேசியதைச் சொல்லி வந்த இறைவன் திடீரென 'சொர்க்கத்திற்குச் செல்' எனக் கூறப்பட்டது என்று கூறுகிறான். (திருக்குர்ஆன் 36:26)

சுவர்க்கம் முன்பே படைக்கபட்டது என் பல ஆயத்துக்கள் உள்ளன:

57:21. உங்கள் இறைவனின் மன்னிப்பிற்கும் சுவர்க்கத்திற்கும் நீங்கள் முந்துங்கள், அச்சுவர்க்கத்தின் பரப்பு, வானத்தினுடையவும், பூமியினுடையவும் பரப்பைப் போன்றதாகும், எவர்கள் அல்லாஹ்வின் மீதும், அவன் தூதர் மீதும் ஈமான் கொள்கிறார்களோ, அவர்களுக்கு அது சித்தம் செய்து வைக்கப்பட்டிருக்கிறது. அது அல்லாஹ்வுடைய கிருபையாகும் - அதனை அவன் நாடியவருக்கு அளிக்கின்றான். இன்னும், அல்லாஹ் மகத்தான கிருபையுடையவன். (தமிழாக்கம்: ஜான் டிரஸ்ட் நிறுவனம்)

4.) முதஷாபிஹாத் ஆயத்துகளுக்கு கல்வியில் தேர்ந்தவர்கள் பொருள் காண முடியும்

3: 7. (முஹம்மதே!) அவனே உமக்கு இவ்வேதத்தை அருளினான். அதில் உறுதி செய்யப்பட்ட வசனங்களும் உள்ளன. அவையே இவ்வேதத்தின் தாய். இரு கருத்தைத் தருகின்ற86 மற்றும் சில வசனங்களும் உள்ளன. உள்ளங்களில் கோளாறு இருப்போர் குழப்பத்தை நாடியும், அதற்கேற்ப விளக்கத்தைத் தேடியும் அதில் இரு கருத்துடையவற்றைப் பின்பற்றுகின்றனர். அல்லாஹ்வையும், கல்வியில் தேர்ந்தவர்களையும் தவிர அதன் விளக்கத்தை (மற்றவர்கள்) அறிய மாட்டார்கள். அவர்கள் ''இதை நம்பினோம்; அனைத்தும் எங்கள் இறைவனிடமிருந்து வந்தவையே'' எனக் கூறுவார்கள். அறிவுடையோரைத் தவிர (மற்றவர்கள்) சிந்திப்பதில்லை.

86: ஆனால் இந்த வசனத்தைப் பெரும்பாலான விரிவுரையாளர்களும், மொழி பெயர்ப்பாளர்களும் தவறாகவே கையாண்டுள்ளனர்.

'முதஷாபிஹாத்' என்ற இரு கருத்துடைய வசனங்களை, ''அல்லாஹ்வைத் தவிர யாரும் அறிய முடியாது'' என்று அவர்களில் பெரும்பாலோர் கூறுகின்றனர். ''அல்லாஹ்வையும், அறிவுடையோரையும் தவிர யாரும் அறிய மாட்டார்கள்'' என்று நாம் மொழி பெயர்த்துள்ளோம்.இலக்கண விதியின் படி இரு விதமாகப் பொருள் கொள்ள இடமிருந்தாலும் புறச்சான்றின் அடிப்படையில் நாம் செய்த தமிழாக்கம் தான் சரியானது.

குர்ஆனில் அல்லாஹ்வுக்கு மட்டுமே தெரிந்த, எந்த மனிதருக்கும் தெரியாத வசனங்களும் உள்ளன என்பது அவர்களின் வாதம். ஒரே ஒரு மனிதனுக்குக் கூட புரியாத, அல்லாஹ்வுக்கு மட்டுமே புரிந்த வசனங்களை அல்லாஹ் குர்ஆனில் ஏன் கூற வேண்டும்? அறவே பயனில்லாத வேண்டாத வேலையை இறைவன் செய்வானா? போன்ற அடிப்படையான கேள்விகளுக்கு அவர்களால் விடை கூற முடியாது. ஒரு மனிதருக்கும் புரியாத வசனங்கள் இருந்தால், மனிதர்களின் பார்வையில் அது உளறல் என்றே கருதப்படும். நபிகள் நாயகம் (ஸல்) அவர்கள் காலத்து எதிரிகள், இது போன்ற வசனங்களைக் காட்டி ''முஹம்மது உளறுகிறார்'' என்று நிலை நாட்டியிருப்பார்கள். அப்படி ஏதும் நடக்கவில்லை.எந்த மனிதராலும் விளங்க முடியாத வசனங்கள் உள்ளன என்று வாதிடுவோரிடம் அந்த வசனங்கள் யாவை? என்று பட்டியலைக் கேட்டால் திருதிரு என முழிப்பார்கள்.ஒருவருக்கும் விளங்காத ஐந்தாறு வசனங்களைக் கூட அவர்களால் எடுத்துக் காட்ட முடியாது. இதிலிருந்து அவர்கள் விதண்டாவாதம் செய்வது தெளிவாகும். ஏராளமான தமிழ் மற்றும் பிற மொழி பெயர்ப்புகள் வந்து விட்டன. அம்மொழி பெயர்ப்புகளில் எல்லா வசனங்களுக்கும் மொழி பெயர்ப்புச் செய்துள்ளனர். ''இது எங்களுக்குப் புரியவில்லை. அல்லாஹ்வுக்கு மட்டும் தான் புரியும்'' எனக் கூறி ஒரே ஒரு வசனத்தைக் கூட அவர்கள் மொழி பெயர்ப்புச் செய்யாமல் விடவில்லை. இதிலிருந்து அவர்கள் தமக்குத் தாமே முரண்பட்டு இவ்வசனத்திற்கு பொருத்தமற்ற விளக்கம் கூறுகிறார்கள் என்பது உறுதியாகிறது.

சரியான அர்த்தம் தமிழாக்கம்: ஜான் டிரஸ்ட் நிறுவனம

3:7. அவன்தான் (இவ்) வேதத்தை உம்மீது இறக்கினான். இதில் விளக்கமான வசனங்களும் இருக்கின்றன. இவைதான் இவ்வேதத்தின் அடிப்படையாகும். மற்றவை (பல அந்தரங்கங்களைக் கொண்ட) முதஷாபிஹாத் (என்னும் ஆயத்துகள்) ஆகும். எனினும் எவர்களுடைய உள்ளங்களில் வழிகேடு இருக்கிறதோ அவர்கள் குழப்பத்தை ஏற்படுத்துவதற்காக முதஷாபிஹ் வசனங்களின் விளக்கத்தைத் தேடி அதனைப் பின்பற்றுகின்றனர். அல்லாஹ்வைத் தவிர வேறு எவரும் அதன் உண்மையான விளக்கத்தை அறியமாட்டார்கள். கல்வியில் உறுதிப்பாடு உடையவர்கள் அவை அனைத்தும் எங்கள் இறைவனிடமிருந்து வந்தவைதான். நாங்கள் அதை நம்பிக்கை கொள்கிறோம், என்று அவர்கள் கூறுவார்கள். அறிவுடையோரைத்

தவிர மற்றவர்கள் இதைக்கொண்டு நல்லுபதேசம் பெறமாட்டார்கள்.

5.) பொருள் செய்ய முடியாத எழுத்துக்கள்!

அல் பகரா :2:1 2. அலிஃப், லாம், மீம்.2
2. பொருள் செய்ய முடியாத எழுத்துக்கள்!

திருக்குர்ஆனில் சில அத்தியாயங்களின் துவக்கத்தில் தனித் தனி எழுத்துக்கள் இடம் பெற்றிருக்கும். தனித் தனி எழுத்துக்களுக்கு எந்த மொழியிலும் பொருள் செய்ய முடியாது என்பதை நாம் அறிவோம். உதாரணமாக நமச (சன்) எனக் கூறினால் இதற்குப் பொருள் கூற முடியும். ந.ம.ச (எஸ், யு, என்) எனத் தனித் தனியாகக் கூறினால் மூன்று எழுத்துக்களைக் கூறியுள்ளோம் என்பதைத் தவிர இதற்கு எந்த அர்த்தமும் இருக்காது.

இது போலவே அரபு மொழியில் 'அலம''என்று கூறினால் இதற்குப் பொருள் கூற முடியும். அலிஃப், லாம், மீம் என அச்சொல்லின் எழுத்துக்களைத் தனித் தனியாகக் கூறினால் அரபு மொழியில் உள்ள மூன்று எழுத்துக்களைக் கூறினோம் என்பதைத் தவிர வேறு எந்த அர்த்தமும் இதற்கு இருக்காது.

இது போல் பொருள் செய்ய முடியாத வகையில் எழுத்துக்களைக் கொண்டு ஆரம்பமாகும் 29 அத்தியாயங்கள் திருக்குர்ஆனில் உள்ளன. அவைகளாவன:

2, 3, 7, 10, 11, 12, 13, 14, 15, 19, 20, 26, 27, 28, 29, 30, 31, 32, 36, 38, 40, 41, 42, 43, 44, 45, 46, 50, 68

Correct meaning:-
[002.001] Alif-Lâm-Mîm.
[These letters are one of the miracles of the Qur'ân and none but Allâh (Alone) knows their meanings.] Interpretation of the Meaning of The Noble Qur'aan in the English Language By Dr. Muhammad Taqiuddeen al-Hilaalee, Ph.D. and Dr. Muhammad Muhsin Khan

6.) சூனியத்தை மறுத்தல் , ஹதீஸ் நிறாகரிப்பு
http://onlinepj.com/vilakkam/vilakkam8.htm

113 :1-5: 357. நபிகள் நாயகத்துக்கு சூனியம் (இந்த தலைப்பில் பல ஹதீஸ்கல் மறுக்கபட்டுள்ளன)